Президент Шавкат Мирзияевтің «Шоввозсой» құпия резиденциясын ашқан танымал өзбк блогері Алексей Гаршин елден уақытша кеткенін айтты.
Белсендінің мәлімдеуінше, президент сайлауы қарсаңында Өзбекстанда билікті сынаушыларға қысым күшейді.
Республикада басқа да белсенділер билік қысымына шағымданды. Өзбекстан адам құқықтарын қорғау альянсының жетекшісі Елена Урлаеваның хабарлауынша, сайлау қарсаңында ұйым қызметкерлері құқық қорғау органдарынан көшеге шықпау туралы ескерту алған.
Ал белсенді Клара Сахарова түрмеге қамаймыз деп қорқытқанын мәлімдеді.
«Эрк» оппозициялық партиясы атынан президент сайлауына қатысқысы келген бұрынғы әнші Жахонгир Атажановтың хабарлауынша, Хорезмде онымен кездескен адамдарды ішкі істер органдарына тергеуге шақырып жатыр.
Өзбекстанда президент сайлауы 24 қазанда өтеді. Билік бұл сайлауға оппозицияны жібермеді.