Өзбекстанның Қашқадария облысында өз үйін балалар үйіне айналдырған 52 жастағы тұрғын 12 жылға бас бостандығынан айырылды. Ол үйдің 13 жастағы тәрбиеленушісін зорлады деп айыпталды.
«Газета.уз» сайты хабарлағандай, мұндай шешімді Чиракчин аудандық соты 6 маусымда шығарды. Бұл іс бойынша екі айға созылған сот отырыстары жабық өтті.
Жоғарғы сот атап өткендей, «Кәмелетке толмаған адамды зорлау» бабымен сотталғандарға рақымшылық қолданбайды. Олардың жазасы жеңілдетілмейді.
Осыған дейін өз үйінде балалар үйін ұйымдастырып, сегіз жетім баланы бағып жатқан тұрғынның тәрбиеленіп жатқан қызды зорлағаны хабарланған. 13 жастағы қыздың бойына бала бітіп, оған түсік жасатуға мәжбүрлеген.