Қырғызстан мектептері 12 жылдық білім беруге көшуді жоспарлап отыр. Осылай деп елдің білім және ғылым министрі Алмазбек Бейшеналиев мәлімдеді.
Ол осыған дейін бұл ойын БАҚ арқылы айтып жүрген. Қоғамда оның пікірлері қызу талқыға түскеннен кейін, Facebook әлеуметтік желісі арқылы былай деп жауап берді.
«Бұдан былай бала мектепке 7 жасынан емес, 6 жасынан барады. Дайындық мектебі деген болмайды. Бірден бірінші сыныпқа барады. Осылайша халықаралық талапқа сәйкестендіреміз», — деді Бейшеналиев.
Ол сонымен бірге білім саласына толық реформа жасалатынын да атап өткен.