Қырғызстанның ішкі істер министрлігі саулаға қатысты заңдарға өзгеріс енгізуді ұсынды. Заң жобасы қоғам талқылауына ұсынылды.
Құжатта «ұйымдасқан қылмыстық топқа қатысқаны үшін сотталғандар» президент және Жогорку кенеш депутаты бола алмайтыны туралы ереже енгізу ұсынылған.
Дәл осындай ережені жергілікті кенеш сайлаулары туралы заңға енгізу туралы ұсыныс түсті.
Ішкі істер министрлігінің хабарлауынша, «ұйымдасқан қылмыстық топтар елдің экономика, саясат, рухани өмір салаларына енуге ұмтылып, оның мүшелері түрлі сайлауларға түсіп жүр».
2020 жыл аяғында Ұлттық қауіпсіздік мемлекеттік комитеті елде ұйымдасқан қылмыстық топтарды құрықтау науқаны басталғанын жариялады. Бірнеше айда қылмыс әлемінің бірнеше танымал дөкейі ұсталды.