Қытай теңіз порттарында кезек күтіп қалған автомобиль контейнерлерін Қырғызстанға өткізуді тездету жөнінде шешім шығарды.
Бұл туралы 27 желтоқсанда Қырғызстан сыртқы істер министрі Руслан Қазақбаевпен кездескен қытай үкіметі делегациясының өкілдері хабарлады.
Қырғыз СІМ-нің мәліметінше, Қазақбаев Оңтүстік Кореяда шығарылған автокөліктер контейнерлерін 31 желтоқсанға дейін өткізуін сұраған. Жүк Циндао және Ляньюньган теңіз порттарында тұрып қалған. Контейнерлерде қанша автокөлік барын министр айтпады.
Қырғыз министрі «Торугарт» және «Иркештам» тексеру-өткізу бекеттерінде жүк тасымалын арттыруын сұрады.
2020 жылы коронавирус пандемиясына байланысты Қытайдан Қырғызстанға тауар импорттау 57,5%-ға төмендеді.
2021 жылғы 16 желтоқсанда Қырғызстан кеден қызметінің төрағасы Әділет Кубанычбеков қырғыз-қытай шекарасынан күнде 125 жүк көлігі өтетінін хабарлаған.