Өзбекстандағы «Ұлттық жаңғыру» («Миллий тикланиш») партиясының төрағасы Алишер Кадыров Беларусь басшысы Александр Лукашенконың мәлімдемесіне қатысты пікірін білдірді.
Беларусь лидері ресейлік журналист Владимир Соловьевқа сұқбат беріп, «15 жылдан кейін бұрынғы совет елдері, оның ішінде Өзбекстан Ресейдің айналасына топталып, 350-400 миллион халқы бар одақтық өлкеге айналады» деген болжамын айтқан.
Кадыров «зорлық-зомбылық және қорқытумен құрылған мемлекеттер қаншалықты күшті болып көрінгенімен, шын мәнінде әлсіз екенін тарих бірнеше рет көрсетті» деді.
«Мұндай жоспарлар жауапты реакция танытып, советтік империяны қалпына келтіруді қалаған өлкелердің аймағында жаңа мемлекеттер құрылып қалуы мүмкін. Бұл әлбетте аймақта әлеуметтік және экономикалық қиындықтарға алып келеді»,- деді Кадыров.
Ұжымдық қауіпсіздік шарт ұйымының биыл 10 қаңтарда өткен онлайн-саммитінде Лукашенко Қазақстандағы тәртіпсіздікті ұйымдастырған күштер «Өзбекстанда да топталып жатқанын айтып», Ташкент көрші өлкедегі оқиғалардан сабақ алуы керек деген. Өзбекстан президенті Шавкат Мирзияев Лукашенконың бұл мәлімдемесін «негізсіз» деген.