28 наурызда Өзбекстанға COVAX бағдарламасы аясында Moderna вакцинасының тағы 2 108 400 данасы келді. Бұл туралы денсаулық сақтау министрлігі хабарлады.
Бұл осы айдың ішінде Өзбекстанға жеткізілген Moderna вакцинасының екінші ірі партиясы. 9 наурызда өлкеге аталған вакцинаның 2 257 600 данасы келгені хабарланған.
Бүгінгі күнге дейін Өзбекстанда коронавирусқа қарсы екпе салу аясында вакцинаның 48 миллионнан астам данасы қолданылды.
Жалпы Өзбекстанға 63 млн 578 мың 553 дана вакцина жеткізілген.
Өзбекстанда коронавирусқа қарсы екпе жүргізу 2021 жылдың сәуір айынан басталған.