Өзбекстанның қорғаныс министрлігі Ауғанстан аумағынан зымыраннан оқ атылып жатыр деген желілердегі ақпаратты теріске шығарды.
«Бұл ақпарат жалған, шындыққа еш сәйкес келмейді. Өзбекстан мен Ауғанстан арасындағы шекара толық бақылауда, онда жағдай тұрақты», — делінген хабарламада.
5 шілдеде Термезге Ауғанстан аумағынан снарядтар құлаған. Төрт үй зардап шеккен. Адам шығыны жоқ.
Сәуір айында «Ислам мемлекеті» террористік ұйымы Хорасаннан снарядтар ұшырылғаны, бірақ өзбек шекарасына жетпегені хабарланған.