Өзбекстан президенті Шавкат Мирзияев ел тәуелсіздігінің 30 жылдығы қарсаңында рақымшылық туралы заңға қол қойды.
Оған сәйкес, 215 жазасын өтеуші бостандыққа шығады. Оның ішінде үшеуі негізгі жазадан, 127-сі мерзімінен бұрын шартты жазадан босатылса, 12-сіне жеңіл жаза беріліп, 73 адамның жаза мерзімі қысқарады. Яғни, 142 адам үйіне оралады. Тағы бір тұтқынның жаза мерзімі жеңілдетіліп, еркіндігі шектеледі.
Рақымшылыққа ілінетін адамдардың ішінде 14-і әйел, 12 адамның жасы 60-тан асқан, 69-ы шетел азаматы, 15-і тыйым салынған ұйымға мүше болғандар.
Президент тарапынан тиісті мекемелерге рақымшылыққа ілінген адамдарды қоғамға бейімдеп, жұмыспен қамтамасыз ету тапсырылған.
Өзбекстанда рақымшылық жасау тәртібіне сәйкес, өзбек президенті кез-келген адамды кешіре алады.