Ақтау қалалық әкімдігіндегі гардеробтағы жетондар жергілікті тұрғынның ызасын тудырған.
Бұл туралы ол lada.kz-ке сілтеме жасап Корреспондент хабарлайды.
Ондағы ақпаратта ақтаулық бір тұрғын әкімдікке ісі түсіп барған кезде киімін гардеробқа өткізіп, қолына кәдімгі еденге төселетін линолеумның қиындысынан жасалынған жетонды алып, ашуы келгенін жеткізген.
«Әжептеуір мекемелерде гардеробтағы жетондар металл немесе пластик материалдан жасалынушы еді. Ал бүгін ресми мекеме болып табылатын Ақтау әкімдік ғимаратына барып, ондағылар белгілерді линолеумнан жасағанын көрдім. Бұл мұндай деңгейдегі мекемеге мүлдем сай емес» деп пікірін білдірген тұрғын.
Атап өтерлігі, мемлекеттік мекеме гардеробтарында берілетін жетонның мұндай түрі қазақстандықтар үшін таңсық емес. Бірақ, елдегі бірқатар әкімдіктерде линолеумнан жасалынған киімді өткізіп-қайта алуға берілетін нөмірлер әлдеқайда қолданыстан шыққан.