Көркем гимнастикадан Әлем кубогының Ташкентте өткен соңғы кезеңіне өзбек президентінің қызы Саида Мирзияева мен көркем гимнастикадан екі дүркін әлем чемпионы, олимпиада чемпионы, РФ Мемлекеттік думасының бұрынғы депутаты Алина Кабаева құрметті қонақ ретінде қатысты.
Жергілікті ақпарат құралдары таратқан суреттерде Саида Мирзияева Батыстың санкция тізіміндегі Алина Кабаевамен бірге отыр.
2022 жылғы жазда Алина Кабаева Еуроодақ, Ұлыбритания мен АҚШ санкцияларына іліккен адамдар мен ұйымдардың «қара тізіміне» кірген. ЕО, Ұлыбритания және АҚШ үкіметтері Алина Кабаева бұл тізімге Ресей президенті Владимир Путинмен «жақын қарым-қатынаста» болуына байланысты енгенін мәлімдеген. Әлемнің ақпарат құралдары Путин мен Кабаеваның орталық балалары барын жазған.
Мәселен, швейцариялық SonntagsZeitung газеті 2022 жылғы 1 мамырда Владимир Путиннің 2015 және 2019 жылдары туған екі баласы бар деп хабарлаған.
Басылым мәліметінше, екі баланы Ташкентте туған бұрынғы гимнаст Алина Кабаева дүниеге әкелген. Кейінгі уақытта Кабаеваның есімі батыс баспасөзінде Путинге ең жақын адамдардың бірі ретінде жиі аталып жүр.