АҚШ президенті Джо Байден 2024 жылы өтетін президент сайлауына қатысады. Ол осылай деп Твиттер парақшасына жазды.
Байденмен бірге келесі сайлауға АҚШ-тың вице-президенті Камала Харрис те қайта баратынын жариялады.
Демократтар партиясынан 2024 жылға сайлауға қатысуға әзірге басқа үміткерлер шықпады. Ал Демократтар қарсыласы — Республика партиясынан бұрынғы президент Дональд Трамп үміткер болуы мүмкін. Бірақ оған бұрынғы сайлауда «қаражатты мақсатсыз пайдаланды және көшедегі қарсылық митингілерді қолдады» деген айып тағылуы оның беделін түсіруі мүмкін екені айтылып жатыр.
Республикашылдардан тағы бір талапкер — қазір Флорида штатын басқарып тұрған Рон Десантис болуы мүмкін екені айтылып жатыр.
Ақпан айында оңтүстік Каролина штатының экс-губернаторы және АҚШ-тың БҰҰ-дағы бұрынғы елшісі Никки Хейли Республика партиясынан үміткер болатынын мәлімдеген.
Джо Байден Американың 46-президенті болып 2021 жылы сайланған. Қазір жасы 80-де.