Грекияда қатты жылдамдықпен келе жатқан жолаушы пойызы қарсы беттегі жүк пойызымен соғысты. 32 адам қаза болды, кем дегенде 85 адам жараланды.
Апат түн жарымы жақындаған уақытта Лариса қаласына жақын маңда болған. 350 жолаушы отырған пойыз Афиныдан Салоникиге бара жатқан. Жолаушы пойызы әзірге белгісіз себептермен жүк пойызымен бір жолға түсіп қалған.
Екі пойыз соғысқан сәтте жолаушы пойызының алғашқы төрт вагоны темір жолдан шығып кеткен, бірнеше вагон өртенген, екі вагонның күлі ғана қалған. Жолаушылардың көбінің денесі күйген. Аман қалған жолаушылардың айтуынша, пойыздар соғысқан сәтте жолаушылардың кейбірі пойыз терезесінен ұшып кеткен. 250-ге жуық жолаушы автобустармен Салоникиге эвакуацияланды.
Апат себебі әзірге белгісіз. Iefimerida мәліметінше, әзірге белгісіз себептермен екі пойыз да бір жолға түсіп қалған.
Құтқарушылар оқиға орнында жұмыс істеп жүр. 150 өрт сөндіруші келген. Апат болған жерде 40 жедел жәрдем көлігі бар.