Катарда футболдан әлем чемпионатын өткізу үшін арнайы салынған стадионның құрылысы кезінде 500 жұмысшы қаза тапты. Осылай деп елдің жоғары лауазымды шенеунігі Хассан әл-Тавади мәлімдеді.
Эмират билігі мұндай санды бірінші рет айтып отыр. Бұл осыған дейінгі айтылған саннан әлдеқайда көп. Бұл мәліметті әл-Тавади британдық журналист Пирс Морганға берген сұқбатында айтқан. Associated Press басылымының жазуынша, сұқбат арнайы дайындықсыз, аяқ астынан алынған.
Хассан әл-Тавади Катардың футболдан әлем чемпионаты-2022 өткізу бойынша Жоғарғы комитетінің бас хатшысы қызметін атқарады.
Осының алдында Amnesty International стадионды салу кезінде кемінде 6-15 мың жұмыс мигранты қаза болғанын хабарлаған.
Бірқатар халықаралық құқық қорғау ұйымдары Катарды адам құқықтарын бұзғаны үшін сынға алған. Құрылысқа 200 млрд доллар жұмсалған.