Эрвин. Видеодан кадр
Ұшақ апатынан тірі қалған Эрвин Tумириге көмек көрсетіліп жатқан сәттен видео желіге тарап кетті. Эрвин достарынан тірі қалғандар бар деген үмітпен олардың есімдерін атап, шақыруға кіріскен. Алайда оның шақырған достарынан жауап болмады. «Алекс», «Ангел», «Давид» деп жыларман дауыспен қаза болған достарын іздеп жатқан Эрвинге құтқарушылар сабыр етуге кеңес береді.
«Менің командам» деп көзіне жас алған жігіттен дәрігерлер қатты қобалжымауын өтінеді. Эрвин — ұшақтан аман қалған алты ойыншының ішінде сөйлей алатындай күйде болған жалғыз адам.
Эрвин. Фото: Facebook
«Мен ұшақ апаты болған жағдайда өзін қалай ұстау керектігі көрсетілген инструкцияны оқып, соны қайталағанның арқасында аман қалдым. Мен қалған жолаушылардың орнынан тұрып, айқайлай бастағанын да көрдім», — дейді Эрвин.
Еске салсақ, 29 қараша күні Колумбияда 72 жолаушысы бар ұшақ апатқа ұшыраған болатын. Салдарынан 71 адам қаза болғаны анықталды.
