Мәскеудің Можайск ауданындағы мектеп стадионында ондаған тәжік мигранты ұсталды.
Ресейлік БАҚ құқық қорғау органдары қызметіне сілтеме жасап, мигранттардың 28 мамырда кешкісін жергілікті тұрғындардың арызы негізінде ұсталғанын мәлімдеді.
Арызға қарағанда, тәжік мигранттары мектеп стадионынан жеткіншектерді қуып жіберіп, өздері футбол ойнаған.
Мигранттардың өзінен бұл мәселе жөнінде пікір алуға мүмкін болмады.
Озоди радиосына келген видеоға қарағанда, полиция қызметкерлері мектеп стадионынан ондаған мигрантты шығарып жатыр. Енді бірі жерде жатыр. Олардың бірін полиция ұрып-соғып жатыр.
Соңғы аптада Ресейде тәжік мигранттарын жаппай ұстау жүріп жатыр. Көбінде оларға қарсы арызды жергілікті тұрғындар жазған. Алайда бірқатар мигранттардың айтуынша, бұл биліктің «алдын ала ұйымдастырған науқаны».
