25 қарашада жүзге жуық Таулы-Бадахшан автономды облысының тумасы Тәжікстанның Мәскеудегі елшілігі алдында наразылық акциясын өткізді. Олар Тәжікстанның құқық қорғау органдарының туған жерінде күш қолданып, нәтижесінде 29 жастағы Гүлбиддин Зиёбековтің қайтыс болғанына қарсылық білдірген.
Билік болса, Зиёбеков құқық қорғау органдары қызметкерлеріне қарсылық көрсеткен, сол себептен оған оқ атып ескерту жасаған.
25 қарашада Таулы-Бадахшан тұрғындары да бас көтеріп, наразылыққа шыққан. Олар Гүлбиддин Зиёбековтің денесін жергілікті билік мекемесінің алдына әкеліп, оқ атқан адамды табуды талап еткен.
Сол күні Таулы-Бадахшанда жарық сөніп, интернет байланысы ажыратылған. Мәскеуде елшілік алдында жиналғандар туыстарымен хабарласа алмай отырғанын айтады.
Таулы Бадахшан прокуратурасы 25 қарашада бірнеше ауыр қылмыстар жасады деп айыпталып, іздеу жарияланған Зиёбековті ұстау операциясы кезінде ол қарсылық көрсетіп, заңсыз қарумен оқ атты, ол жауап ретінде атылған оқтан жараланды деп мәлімдеген.
Бірақ биліктің бұл мәлімдемесімен тұрғындар келіспейді.