«Жас ұлан» әскери әндері ХХ республикалық фестивалінің бас жүлдесін — Гран-приді «Оңтүстік» өңірлік қолбасшылығының шығармашылық ұжымы жеңіп алды.
Жиырмасыншы мерейтойлық фестиваль Қазақстанның астанасында Ұлттық әскери-патриоттық орталығында өтті және Астананың 20 жылдығына арналды. Сайысқа Қазақстан Қарулы Күштерінің шығармашылық ұжымдары – яғни барлығы 400-ден астам қатысушылар қатысты.
«Оңтүстік» өңірлік қолбасшылығының шығармашылық ұжымында Тараз және Гвардейск гарнизондарының әскери қызметшілері мен қызметкерлері, мерзімді әскери қызметшілер, сондай-ақ «Оңтүстік» өңірлік қолбасшылығының әскери-патриоттық клубтарының жас тәрбиеленушілері болды.
Фестиваль қатысушылары вокалдық қойылым, фольклорлық-аспаптық жанр және хореографиялық композициялық үш номинация бойынша бағаланды. «Оңтүстік» өңірлік қолбасшылығы ұжымының әртістері барлық номинациялар бойынша лайықты өнер көрсетті, ал «хореографиялық композиция» номинациясы бойынша «Оңтүстік» өңірлік қолбасшылығының «Патриот» би тобы бірінші орынды жеңіп алды.
Әскери әндер фестивалінің көрермендері Гвардейск гарнизонының «Жас танкішілер» әскери-патриоттық клубының шығармасына ризашылықтарын білдірді. «Оңтүстік» өңірлік қолбасшылығының 5-ші механикаландырылған бригадасының мерзімді әскери қызметшілерінің хоры үлкен қолдауға ие болды. Хордың солисті, қатардағы жауынгер Алтынбек Халимұлының жетекшілігімен мерзімді әскери қызметшілер «Нұр Астана» әнін орындады. Тараз гарнизонының «Асу» би ұжымы да фестиваль кезінде лайықты өнер көрсетті. Және де «Оңтүстік» өңірлік қолбасшылығы 01731 әскери бөлімінің әскери-патриоттық клубының тәрбиеленушісі жас саксофоншы — Ален Кемелбек қалың көрерменнің қошеметіне бөленді.
«Оңтүстік» өңірлік қолбасшылығының шығармашылық ұжымының идеялық шабыттандырушылары мен көркемдік жетекшілері Тараз гарнизондық офицерлер үйінің бастығы капитан Айман Сметова мен Гвардейск гарнизонының қызметкері Гүлмира Алдікенова болды. Олар бірлесе отырып 27 нөмерден тұратын «Оңтүстік» өңірлік қолбасшылығы ұжымы шығармаларының бағдарламасын әзірледі.
«Жас ұлан-2018» әскери әндерінің XX республикалық фестивалінің бас жүлдесін «Оңтүстік» өңірлік қолбасшылығының шығармашылық ұжымына Қазақстан Республикасының Қорғаныс министрі Нұрлан Ермекбаев табыс етті.
- Қиын бәсекеде Қазақстанның барлық өңірлерінен келген орындаушылар мен шығармашылық ұжымдар өздерінің ең жақсы қасиеттері мен дағдыларын көрсетті. Біз патриоттардың жаңа толқынының қалай өсіп-жетілгенін көрудеміз. Өз еңбектеріңмен, білімге деген құштарлықтарыңмен және нақты іс әректтеріңмен Отанымыз «Мәңгілік елді» асқақтатасыңдар — деп қорғаныс ведомствосының басшысы сайысты қорытындылады.
Дина Мухаринова
Мухит Конаров
«Оңтүстік» өңірлік қолбасшылығы, баспасөз қызметі