Тәжікстанда Ораза айт мейрамы қарсаңында бірқатар азық-түлік бағасы қымбаттады.
Рамазан айынан кейін басталатын Ораза айт мейрамына дастархан жаю үшін Душанбе тұрғындары кемінде 1000 сомони (100 АҚШ доллары) жұмсайды. Кейбірі ет сатып алудан бас тартып жатса, енді бірі мүлдем дастархан жаймаймыз деп шешкен.
Жеміс-жидек бағасы да қымбат. Бір келісі 35-45 сомони арасында. Ет бағасы өспеген, бірақ онсыз да бірқатар тұрғындар үшін оны сатып алу қиынға соғатын.
Соңғы екі күнде жұмыртқа бағасы (30 данасы) 35-тен 41 сомониге бір-ақ көтерілді.
Белгілі тәжік экономисті Ходжимухаммад Умаров әдетте мейрам қарсаңында мүдделі топтар баға көтереді деп санайды.
«Оларға діни әлде мемлекеттік мереке ме, ешқандай айырмашылық жоқ. Оларға тек пайда түсуі керек, болды», — дейді Умаров.
Сәуір айының аяғында Тәжікстан президенті Эмомали Рахмон елінде азық-түлік бағасы — 13, тариф — 4 процентке қымбаттағанын мойындаған. Бұл пандемия тұсында тұрғындар үшін оңай болмай тұр.