Ресейдің чемлекеттік думасы үшінші оқылымда мемлекетке сатқындық жасағаны үшін өмір бойы түрме жазасына кесу жөніндегі заңға өзгерістер енгізу жөніндегі құжатты қабылдады.
Қазіргі қолданыстағы заң бойынша, 12 жылдан 20 жылға дейін бас бостандығынан айыру және 500 мың рубль айыппұл қарастырылған. Украинаға шабуыл жасағаннан кейін, Ресейде осы бап бойынша сотталғандар көбейіп жатыр.
Құжатта сонымен бірге диверсия, терроризм және халықаралық ұйымдармен жұмыс істегені үшін де жаза мерзімі күшейтілген.
Гаагадағы халықаралық сот Украинаға соғыс ашқаны үшін Ресей президенті Владимир Путинді қамауға алу жөнінде бұйрық шығарған.
«ОВД-Инфо» газетінің мәліметінше, 2022 жылы мемлекетке сатқындық жасады деген айыппен 11 адамға үкім шығарды. 1997-2021 жылдар аралығында бұл бап бойынша 117 адам жазаға тартылған.