Ресей Сирияның Алеппо қаласын атқылаған содырларды іздеуге көмек беруді сұрап Түркияға шықты. Осылай деп 24 наурызда Сирияда соғысып жатқан тараптарды татуластыру бойынша орталық жетекшісінің орынбасары, контр-адмирал Александр Карпов мәлімдеді.
Оның сөзінше, 21 наурызда содырлар Кафр-Ханни елді-мекенінен Алеппоны алты реактивті зымыран жүйесімен атқылаған. Нәтижесінде екі адам қаза болып, 17 бейбіт тұрғын жарақат алған.
«Жалпы Сирияда оқ атуды тоқтату режимі сақталып келеді. Бірақ күнара «Жебхат ан-Нусра» террорлық тобы тараптан атқылау фактілері тіркеліп жатыр», — деді Карпов.
Осыған дейін Түркияның сыртқы істер министрлігі (СІМ) Сирияның Идлиб провинциясымен түрік әскерлері орналасқан аудандарды атқылап жатқанына байланысты Ресейдің Анкарадағы елшісі Алексей Ерховқа алаудаушылығын жеткізген. Түрік тарапы бұл шабуылдар түрік-орыс келіссөзінде деэскалация аймағы ретінде анықталған аудандардың қауіпсіздігін қауіп төндіріп жатқанын мәлімдеген.
Апта басында батыстың ақпарат құралдары Сирияның қарулы оппозициясындағы бұлақтарына сілтеме жасап, Идлиб және Алеппо провинцияларындағы соққыларды Сирия үкіметі мен Ресейдің авиациясы жасағанын хабарлаған. Ақпаратқа сәйкес, олардың Алепподағы Әл-Атареб ауруханасына бағытталған артиллериялық атқылаудан бірнеше науқас қаза болып, оннан астам медицина қызметкері жарақат алған. Бұдан бөлек Ресей авиациясы Идлибтегі Баб Әл-Хав шекара аймағына соққы беріп, гуманитарлық жүк жеткізушілерге қауіп туғызған.
Александр Карпов 22 наурыздағы брифингте Алепподағы бейбіт тұрғындар содырлардың реактивті снарядтарымен атқылаудан зардап шеккенін айтқан.