Қырғыз президенті Садыр Жапаров 24 сәуірде АҚШ-тың мемлекеттік хатшысының Оңтүстік және Орталық Азия бойынша көмекшісі Дональд Луды қабылдады.
Президенттің баспасөз қызметінің таратқан мәліметіне қарағанда, Садыр Жапаров Лу мырзаның Қырғызстанға сапарын екі елдің қарым-қатынасының бұдан әрі дамуына түрткі болатын жақсы белгі деп бағалаған.
Президент Қырғызстанның шетелдік инвесторларға ашық екенін жеткізген.
Дональд Лу өз кезегінде АҚШ-тың Қырғызстанмен цифрлық экономика саласында қарым-қатынастың дамуына мүдделі екенін білдірген.