Тәжікстанның бас прокуратурасы еліндегі әскери бөлімшелердің біріндегі жас сарбаздардың шаш алу үлгісіндегі жазылған әріптерге назар аударды. Бұл суреттер әлеуметтік желіге тарап кеткен.
15 маусымда «Конибодом ауданы атауы сарбаздардың басында жазылған» деген мақала мен сурет интернет басылымдарға жарияланған.
«Бұл оқиға жіті тексерілді. Оқиғаның былтыр 14 қаңтарда орын алғаны белгілі болды. Исфара қаласындағы #0215 әскери бөлімшенің шаштаразы мен кіші сержант Мухриддин Исмоиловқа сарбаздардың шашын алу тапсырылған. Нәтижесінде, шаштараз ережені өрескел бұзып, 9 сарбаздың басына «К», «О», «Н», «И», «Б», «О», «Д», «О», «М» деген әріптер жазған. Бұл Соғды облысындағы аудан атауы», — делінген бас прокуртура таратқан мәлімдемеде.
16 маусымда шаштараз бен кіші сержантқа қатысты қылмыстық іс қозғалған. Олар бес жылға дейін сотталуы мүмкін.