Мұсылмандардың Құрбан айт мерекесі қарсаңында Тәжікстанда мал бағасы қымбаттады. Тұрғындар құрбан шалудан бас тартуға мәжбүр боп жатыр.
Биыл Орталық Азия елдерінде Құрбан мейрамы 9 шілдеде басталады. Тұрғындар мал бағасы қатты өскенін айтады.
«Былтыр бір қойды 1800 сомониге сатып алсақ, қазір 2300-2400 сомони деп тұр», — дейді Бадриддин Хакимов есімді Душанбе тұрғыны.
Малмен бірге азық-түлік бағасы да қымбаттаған. Көкөніс, жеміс-жидек мауысы басталса да, бағалары шарықтап тұр дейді тұрғындар. Сол себептен халықтың көбі биыл Құрбан айт мейрамын атап өтуден бас тартамыз деп отыр.
Жақында Тәжікстан президенті Эмомали Рахмон да Құрбан айт мерекесін аста-төк тойлаудан бас тартуға шақырған. Оның орнына тұрмысы төмен отбасыға, жарлы-жақыбайларға көмектесіңдер деп үндеген.