Түркіменстанның бірқатар аймақтарындағы YouTube, TikTok, Instagram секілді әлеуметтік желілерде танымал блогерлерді полиция тергеуге алып жатыр.
Олардан Түркіменстан жайында тек мақтаудан тұратын контент түсіру тапсырылған. Кері жағдайда қамауға алынасыңдар деп қорқытқан.
Түркіменстанда тәуелсіз БАҚ толығымен бұғатталған. Бірақ жастар VPN сервистерін пайдаланады.
Соңғы бірнеше айдан бері ірі қалаларда тұратын блогерлерді полиция бөлімшесіне шақыра бастаған. Олардың арасында тауарларды жарнамалайтын, өзінің өмірлері жайында айтатын әртүрлі блогерлер бар.
Олардан тек бір ғана нәрсе талап етілген: Түркіменстан жайында мақтаудан тұратын постар жазып, шығару.