Түркіменстан бірінші рет компьютер өндірісін қолға алды. Бұл жөнінде ел үкіметінің алғашқы жарты жылдыққа есеп беру жөніндегі кеңейтілген отырысында айтылған.
Елдің ресми баспасөзінің хабарлауынша, Түркіменстан президенті Гурбангулы Бердымухамедов компьютер өндірісіне байланысты «экономика инфрақұрылымдарын сандық жүйеге көшіру бағдарламасын дамытуға байланысты жақсы база орнаттық» деп мәлімдеген.
Бірқатар медиа басылымдар Түркіменстанда 100 мың компьютер өндірілді деп хабарлап жатыр.
Жыл басында түркіменстандық БАҚ ноутбук пен планшеттер шығаратын «Айдын гиджелер» өндіріс орны ашылатыны туралы хабарлаған.