Ресей түрмесінде жазасын өтеп жатқан тағы бір Тәжікстан азаматының Украинада соғыста қаза тапқаны белгілі болды. Оның жақындарының айтуынша, 30 жастағы Вахдат қаласында туып-өскен Мухаммаджон Комилов 2021 жылы заңсыз есірткі саудасы айыбымен сотталған.
Мухаммаджон Комилов былтыр қараша айында Украинада қайтыс болған. Туыстары оның марқұм болғанын тек сәуір айында ғана білген.
Мухаммаджон Комилов Мәскеу түбіндегі Ногинск зиратында жерленген.
Қазір Украинада Тәжікстанның қанша азаматы соғысып жүргені жайлы нақты мәлімет жоқ. Бірақ Озоди радиосының зерттеуі бойынша, Ресейде сотталған жиырмаға жуық тәжік азаматы Украина жерінде қаза тапқан.
Ресей билігі бұл жайында ешқандай пікір білдірген емес.