29 наурызда сүт бағасын көтеруді талап еткен таластық фермерлер наразылық акциясына шықты. Олармен президенттің Талас облысындағы өкілі Бакытбек Нарбеков кездесті.
Фермерлер қазір бір литр сүтті 30 сомнан өткізіп жатқанын, бірақ азық-түлік бағасы қымбаттағанын айтады.
Президент өкілі арнайы комиссия құрып, сүт бағасын және сапасын тексеру қажет екенін және барлық аудандарға сүт жеткізетін көліктерді көбейту қажеттігін жеткізген.
Талас облысында жекеменшік алты сүт зауыты жұмыс істейді. Статистикалық мәліметке сәйкес, облыста жылына 70 мың тоннадан астам сүт өндіріледі.