Өзбекстан астанасындағы жабық ірі базарлар мен супермаркеттерде, сонымен бірге мектептердің бірнешеуінде коронавирусқа қарсы вакцина салатын орындар ашылды.
Мұндай орындардың тізімі 27 маусымда «Ресми жаңалықтар» телеграм-арнасында жарияланды.
Өткен аптаның аяғында республикалық арнайы комиссия 18 жастан асқандардың барлығына ерікті түрде вакцина салу жөнінде шешім шығарған. Вакцина мемлекет есебінен салынады.
Базарлар мен супермаркеттерде вакцина салдырған ташкенттіктер вакцинаның екінші дозасын тұрғылықты мекендегі емханада салдырады. Олардың көбісіне ZF-UZ-VAC2001 өзбек-қытай вакцинасы, бірқатарына Спутником V ресейлік вакцина салынады.
Өзбекстанда коронавирусқа қарсы вакцина салу науқаны биыл 1 сәуірде басталды. Осы уақытқа дейін елде шамамен 3,3 миллион доза вакцина салынған. Өзбекстан халқының 4 пайызы вакцина салдырған.