Қызылордалық тұрғынды кене шағып өлтірді

kazakbol.com

7 лет назад

Кене. Көрнекі фото желіден алынды

Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Нұржамал Мырзағалиева Қызылорда облысында кене энцефалитінен бір адамның қайтыс болғанын хабарлады деп жазады kyzylorda-news.kz.

Марқұм Шиелі ауданы Сұлутөбе ауылдық округіне қарасты 15 бекетте мал шаруашылығымен айналысқан.

Аяқ асты ауырған ер адам 24 сәуір күні түнде Қызылорда облыстық жұқпалы аурулар ауруханасына түскенмен жағдайы оңалмай, бір тәуліктен кейін қайтыс болды.

Жалпы биыл жыл басынан бері облыс бойынша барлығы 97 кене шағу жағдайы тіркелді. Өткен жылдың алғашқы төрт айында 292 кене шағу жағдайы тіркеліп, КҚГҚ-на күдікті 1 жағдай анықталған болатын.