Қазақстан Республикасының Тәуелсіздігі күні қарсаңында, сонымен бірге әскери қызметтің беделі мен абыройын көтеру мақсатында Семей гарнизонының мерзімді әскери қызметшілеріне және «Жас қыран» әскери-патриоттық клубының тәрбиеленушілеріне, бөлім командирі полковник Адилбаев Максұтбектің қолдауымен, 54835 әскери бөліміне экскурсия жасалды.
Экскурсия барысында жас патриоттарға әуе әскерлерінің жаңа техниканың түрлерімен, әскери ұшқыштардың күнелікті тыныс тіршілігімен және әуе қорғаныс күштерінде қызмет ету ерекшеліктерін айтып өтті. Сонымен қатар, елімізде жиналатын «Еврокоптер» тік ұшағының техникалық мүмкіндіктері мен пайдалану ерекшеліктерімен таныстырды. Ұшқыштар басынан қызықты оқиғалары мен әскери тәжірибесімен бөлісті.
Әуе кемелерінде жүйелі түрде ұшатын тәрбе саласындағы офицерлердің бірі болып табылатын, бөлім командирінің тәрбие және идеологиялық жұмыстар жөніндегі орынбасары подполковник Руслан Юмашев экскурсия барысында бөлімнің құрылу тарихы мен өзінің әскери өмірі туралы баяндады.
Жас патриоттарға экскурсия соңында ұшқыштар таңғы асымен тамақтандырып, тәттілерді тарту етті.
Өз кезегінде жас жеткіншектер осындай қызықты және танымды экскурсияға алғыстарын білдірді.
