Қазақстанға баратын түркімендерге оралу жөнінде кепіл хат талап етіп жатыр

Түркімен билігі шетелге шығушыларға тағы да шектеу қойып жатыр. Енді Қазақстанға баратын азаматтарына қайта оралу жөнінде сенім хат жазуды талап етіп жатыр.

Бұл жөнінде Азаттықтың түркімен қызметі хабарлады.

«Соңғы 15 күнде Қазақстанға бармақ болған азаматтар, оның ішінде этникалық қазақтар да бар, жаңа талапқа тап болып жатыр. Олардан қайта оралу жөнінде уәде етілген сенім хатты нотариус арқылы бекітіп, өткізуді сұрап жатыр екен.

Бұл жаңа талаптар жөнінде тұрғындар шекараға барған кезде ғана біліп жатыр.

Миграция қызметі бұл талаптың себебін түркімен азаматтарының Қазақстан арқылы үшінші елге жаппай кетіп жатқанымен түсіндірді.

«Қазақстанға кеткендердің үштен бірі үшінші елге кетіп үлгерген. Қазақстан заңдарына сәйкес, шетел азаматтары елшіліктер арқылы виза ала алады. Түркімендер осы мүмкіндікті пайдаланып жатыр», — деген миграция қызметінің өкілі.

Источник