Қырғызстанның оңстүстігінде тойға барған 89 адам астан уланды

Қырғызстанның оңтүстігіндегі Баткен облысында ондаған адам астан уланды. Бұл туралы Мемлекеттік санитария және эпидемиология бақылауы жөніндегі департаменті хабарлады.

Мәліметке қарағанда, Қадамжай ауданындағы кафелердің бірінде 30 шілдедегі отырысқа барған 48 адам ертесіне ауруханаға түсті. 31 шілдеде астан уланған науқас саны 58-ге жетті.

Департаменттің хабарлауынша, 1 тамызда осы отырыста болған тағы 16 адам ауруханаға түскен. Екі бала жансақтау бөлімінде жатыр. Олардың жағдайы орташа ауыр деп бағаланды.

Кафе мен той иесінің үйінде тексеру болды. Кафе жетекшісіне хаттама толтырылды. Оған айыппұл салынады. Бұған қоса, адамдар уланған кафе уақытша жабылды.

Биыл маусым айында Жалал-Абад қаласында екі мәрте адамдар жаппай астан уланып, елу шақты науқас ауруханаға түскен.

Источник