KAZAKBOL.COM
Өзбекстан президенті Шавкат Мирзияевтің Египет компанияларымен кездесуі нәтижесінде жалпы құны 1,6 млрд доллар тұратын 20 келісім жүзеге асатын болды. Бұл туралы мемлекет басшысының баспасөз қызметі хабарлады.
Өзбекстан президенті 20 ақпанда екі күндік сапармен Египетке барып, осы елдегі ең ірі компаниялар басшыларымен кездесті.
Президент баспасөз қызметінің хабарлауынша, жүздесуге халықаралық әріптестік министрі Рания әл-Машат, сауда палатасы федерациясының президенті Ибрагим Махмуд әл-Араби, сонымен бірге Elsewedy Electric, El Araby Group, Orascom Construction, Poliserve Group, Al-Rowad, Lotus Garments Group секілді ірі компаниялардың басшылары қатысты.
Похожие статьи
Кездесу барысында Мирзияев осының алдында ұйымдастырылған өзбек-египет бизнес-форумында 1,6 миллиард доллардың 20-дан аса келісім-шартына қол қойылғанын айтты.
Бұған қоса, Мирзияев египет компанияларын энергетика, электротехника, химия, тау-кен, мақта-мата, ауыл шаруашылығы, фармацевтика және тері илеу салаларына инвестиция салуға шақырды.
Өзбекстан президенті Шавкат Мирзияев пен Египет басшысы Әбделфаттах ас-Сиси 21 ақпанда Каирде кездесті. Мемлекет басшысының баспасөз қызметінің хабарлауынша, олар әріптестікті арттыру мәселелерін талқылаған.
KAZAKBOL.COM
