Қазақстан мен Қырғызстан басшылары шекарада кезек болдырмауға келісті

Қырғызстан мен Қазақстан президенттері Садыр Жапаров пен Қасым-Жомарт-Тоқаев екі ел арасындағы шекарада кезек болмау үшін күш салуға келісті.

Бішкектегі екіжақты келіссөздерден соң Жапаров осылай деп мәлімдеді. Тоқаев ресми сапармен Қырғызстанда жүр.

Жапаровтың айтуынша, кездесуде жүкті шекарадан еш кедергісіз өткізу жолдары талқыланды. Жүкті Қазақстан арқылы тасу мәселесінде тараптар бұған дейінгі келісімді бұзбауға, шекарада жүк көліктерінің кезекте тұрып қалуын болдырмауға келісті.

Қырғызстан мен Қазақстан шекарасының қырғыз жағындағы кезек кейде бірнеше шақырымға созылып кетеді. Транзит қиындығы бірнеше рет дауға ұласып, сарапшылар оны көрші екі елдің сауда соғысы деп сипаттады. Кезінде дау Дүниежүзілік сауда ұйымына дейін жеткен.

Биыл сәуірде екі елдің үкіметтері орталық келісімге келді. Қазақстан ЕАЭО-ның басқа да елдеріне тасылатын тауардың электронды шот-фактурасын тексермеуге, ал қырғыз жағы тиісті құжаты жоқ жүк көліктерін шекараға қарай өткізбеуге уәде берді.

Алайда мамыр айының басында Қазақстанның мемлекеттік кірістер комитеті осы келісімді пайдағасы асырғысы келген қырғыз кәсіпкерлері құжатта көрсетілмеген тауарларды Қазақстанға өткізудің заңсыз әдісіне жиі жүгінеді деп мәлімдеді.

Источник