KAZAKBOL.COM
Қазақстан президентінің Түркіменстанға сапары жайлы екі елдің сыртқы істер министрлері Рашид Мередов пен Мұхтар Тілеубердінің телефон арқылы сөйлесуінде белгілі болды. Бұл жөнінде Түркіменстанның сыртқы істер министрлігі хабарлады.
28 сәуірде Түркіменстан басшысы Гурбангулы Бердымұхамедов Қазақстан президенті Қасым-Жомарт Тоқаевты еліне шақырған. Ол телефон әңгімесінде Қазақстанды Орталық Азиядағы басты әріптесі деп атаған.
Похожие статьи
Екі ел президенті сауда айналымының көлемін арттыруға, өндіріс саласында бірлескен жобаны жүзеге асыруға, ауыл шаруашылығы, энергетика, көлік және логистика бойынша қарым-қатынасты одан әрі дамытуға келіскен.
Екі ел бас дипломатының телефон әңгімесінде экономика, ғылыми-техника және мәдени қарым-қатынасқа байланысты үкіметаралық комиссия отырысына дайындық барысы да талқыланған. Бұл Ашғабадта Қазақстан президентінің сапары қарсаңында өтеді. Олар сонымен бірге Түркіменстанда өтетін VI Каспий саммиті жайлы сөз еткен.
Қасым-Жомарт Тоқаевтың Ашғабадқа нақты қай күні баратыны белгісіз.
KAZAKBOL.COM
