Қырғызстан электр энергияға қатысты жаңа тарифке көшті

Энергетика және өнеркәсіп министрлігі Қырғызстанда 15 қазаннан бастап электр және жылу энергиясы үшін белгіленген жаңа тарифті жариялады.

Министрлер кабинеті бекіткен тарифке сәйкес, тұрғындар 700 кВт сағатқа дейін электр энергиясы үшін 77 тиыннан, одан асса, 2 сом 16 тиыннан төлейді.

Таулы және табиғаты суық аймақтарда тұратындар 77 тиыннан төлей береді.

Мекеме-ұйымдар, кәсіпорындар, компаниялар үшін тариф 1 сом 68 тиыннан 5 сом 4 тиынға дейін бағаланады.

Жылу энергиясына тарифтер 1,134,76 сом/Гкал көлемінде сақталады.

Қырғыз билігі биыл көктемде электр энергиясына байланысты жаңа тариф саясатын әзірлеп шыққан. Онда тұрмысы төмен 200 мыңнан астам отбасынан бөлек басқа абоненттерге электр қуатының бағасын екі есеге көтеру ұсынылған. Бірақ бұл ұсыныс жүзеге аспай қалған.

Источник