KAZAKBOL.COM
Қырғызстан Душанбе – Үрімжі – Душанбе бағыты бойынша рейстерді атқару үшін өз әуе кеңістігін пайдалануға рұқсат берді. Бұл жөнінде 3 ақпанда Қырғызстанның министрлер кабинеті жанындағы мемлекеттік азаматтық авиация агенттігі хабарлады.
Ведомствоның мәліметінше, тәжіктің «Сомон Эйр» әуе компаниясы оларға өтініш жазып, 2023 жылдың 8 ақпаны мен 21 наурызы аралығында Душанбе – Үрімжі – Душанбе бағыты бойынша, 5 ақпанда Душанбе – Новосибирск – Душанбе рейсін атқару үшін қырғыз әуе кеңістігін пайдалануға рұқсат беруді сұраған.
Похожие статьи
2021 жылғы мамырда Қырғызстан министрлер кабинеті тәжік азаматтарының кіруі мен шығуына және олардың Қырғызстан аумағында жүруіне уақытша шектеу қойған еді. Бұған сол жылы 28-30 сәуірде қырғыз-тәжік шекарасындағы қарулы қақтығыс түрткі болған. Қақтығыстан, екі жақ шығынын қосқанда, 36 адам өлген. 154 адам зардап шеккен. Тәжікстан билігі сол кезде 19 адам мерт болғанын, 87 адам жараланғанын айтқан.
Сол жылы шектеу қойылғаннан кейін «Сомон Эйр» әуе компаниясының ұшағы төрт сағат күткеннен кейін «Манас» әуежайынан Тәжікстанға қайта ұшып кеткен. Сол кезде Тәжікстанның 177 азаматына Қырғызстан аумағына кіруге тыйым салынған еді.
KAZAKBOL.COM
