Қырғызстанда жаңа Салық кодексі күшіне енді

18 қаңтарда президент Садыр Жапаров Салық кодексіне қол қойды. Заң жобасын Жогорку Кенеш 2021 жылғы 22 желтоқсанда мақұлдаған.

Мемлекет басшысының баспасөз қызметінің хабарлауынша, 2009 жылғы 1 қаңтарда енгізілген Салық кодексі күшін жойды.

Жаңа Салық кодексі 2022 жылғы 1 қаңтарда заң күшіне енуі тиіс болған. Құжат қабылданған соң бірнеше күн бойы кәсіпкерлер митинг өткізді. Олар жаңа кодексті кері қайтаруды, тым болмаса оны енгізуді кейінге қалдыра тұруды сұрады.

Үкімет жаңа салық ережелерін түсіндіру жұмыстары жеткіліксіз болғанын мойындады. Дегенмен билік бұл құжат қара нарықты азайтуға қажет деп есептейді.

Источник