Өзбекстан шекарасын бұзған 47 ауған азаматы еліне қайтарылды

27 маусымда Ауғанстан шекара әскері мен халық жасағының 44 сарбазы Өзбекстанның мемлекеттік шекарасын бұзған.

Бір күн бұрын шекараның дәл осы жерінен көрші елдің үш азаматы Өзбекстанға өткен. Ауғанстанның барлық азаматы еліне қайтарылды.

Өзбекстан сыртқы істер министрлігінің хабарлауынша, «өзбек аумағына заңсыз өтуге талпынғандар қатаң жазаланады».

Өзбек дипломаттары Ауғанстандағы жағдайдың шиеленісіп бара жатқанына алаңдап, жауласушы тараптарды бейбіт халыққа қарсы күш қолданбауға шақырды.

Бұған дейін хабарланғандай, 23 маусымда ауған әскері мен халық жасағының 53 жауынгері Шортепа уезінен Өзбекстанға өткен. Өзбек билігі оларды кері қайтарған.

Өзбекстан президентінің баспасөз хатшысы Шерзод Асадов 28 маусымда Ташкентте өткен брифингте Ауғанстан азаматтары сенбі және жексенбі күндері өзбекстан шекарасын тағы бұзғанын растады.

Источник