KAZAKBOL.COM
АрселорМиттал Теміртау» компаниясының Қарағанды облысындағы «Абай» шахтасында 200 ереже бұзу анықталды. Былтыр бұл шахтада апаттан алты кенші қаза болып, үшеуі жарақат алған.
Қазақстанның өндіріс қауіпсіздігі бойынша комитет мәліметінше, компания былтыр шахтадағы апаттан кейін анықталған ереже бұзуларды жойған емес.
«Тексеру қорытындысында компанияға 100 айлық есептік көрсеткіш көлемінде айыппұл салынды. Заңға сәйкес, егер компания айыппұлды жеті тәулік ішінде төлесе, бұл соманың жартысы ғана алынады», – деді комитеттің Қарағанды облыстық департаменттің төраға орынбасары Кенгірбай Есенеев.
Похожие статьи
Оның сөзінше, «Абай» шахтасында көмір мен газдың, сонымен бірге көмір шаңының аяқ астынан жарылып кету қауіпі өте жоғары. Шахтаның масса температурасын анықтайтын жабдықтар жоқ; ғылыми институттармен бірлесіп геологиялық шарттарды болжаудың методологиясы жасалынбаған; компьютерлік техникалар, болжау және геологиялық барлау қызметтері жаңартылған емес; геологиялық моделдеу және сейсмикалық барлау істері жүргізілген емес; көмір шаңының құрамын анықтайтын жабдықтар сатып алынған емес.
2021 жылы қарашада «Абай» шахтасында апатты жағдай болып, алты кенші қайтыс болды.
«Арселор Миттал Теміртау» компаниясы Қарағанды облысындағы бірнеше шахтаға және Теміртау қаласындағы металлургия комбинатына иелік етеді.
KAZAKBOL.COM
