Арнольд Шварценеггер Дональд Трампқа «қызметімен алмасуды» ұсынды

2 ақпан күні Вашингтонда діни көшбасшылармен бірге жыл сайын дәстүрлі түрде өтетін ұлттық мінәжат ету асында Дональд Трамп америкалықтарды Шварценеггер үшін «дұға етуге» шақырған. Өйткені, кезінде Трамп жүргізген реалити-шоудың рейтингі Арнольд жүргізуші болғалы бері тым құлдырап кетіпті. Осындай жолмен президент өзіне қарсы наразылық акциясын ұйымдастырып жүрген Голливуд жұлдызын келеке қылған.

Шварценеггер өзінің Twitter-дегі парақшасында оған жауап берген. «Сәлем, Дональд. Менің тамаша ұсынысым бар. Осы неге екеуіміз қызметімізді ауыстырмаймыз? Рейтинг жинаудың үлкен шебері екенсің, саған шоумен айналысу керек. Ал, мен сенің орныңа барайын. Сол кезде халық тыныш ұйықтар», — деді актер арнайы әзірленген видеороликте.