Атырау тұрғыны аммиактан уланып мерт болды

Қазіргі уақытта адам өлімі фактісі бойынша тергеу амалдары басталды

Атырауда аммиактан уланған 28 жастағы ер адам көз жұмды, деп хабарлайды «ҚазАқпарат» ХАА тілшісі.

«Қайғылы оқиға супермаркеттер желісіне тиесілі ірі сауда компаниясы қоймаларының бірінде болған. Қоймадағы ер адам тоңазытқыш қондырғысының аммиак буынан уланып қалған. Ол жерде құбыр желісі жарылған», — деп мәлім етті Атырау облыстық ТЖД баспасөз қызметі.
Қазіргі уақытта адам өлімі фактісі бойынша тергеу амалдары басталды, бірқатар сараптама тағайындалды.