Аяғымнан құтылғым келеді: 5 жасар қыздың аяғы 54-ші өлшемге дейін өсіп кетті (видео)

Австралиялық дәрігерлер жақын арада аяғы 54 өлшемге дейін өсіп кеткен бес жасар қыздың екі табанын кесіп тастауды жоспарлап отыр деп хабарлайды life.ru-ға сілтеме жасаған NUR.KZ.

Бес жасар Энджел Пәкістанда дүниеге келген, бірақ жарты жыл бұрын отбасымен бірге Австралияға көшіп келген. The Daily Mail-дің хабарлауынша, Энджелге туылғанда сирек кездесетін липоматоз деген диагноз қойылған. Сондықтан қыздың аяғы 54 өлшемге дейін өсіп кеткен.

Табанының үлкендігінен кішкентай қыз аяғын әрең басады және әрбір қадам оған үлкен ауырлық әкеледі.

«Мен бұл аяқтардан құтылғым келеді, жаңа аяқ киім сатып алып, билегім келеді», — дейді Энджел дәрігерлерге.

БАҚ ақпараттарына сүйенсек әлемде осындай ерекше диагнозбен тіркелген 200 оқиға болған.