Қазақстанда өзбектің су жаңа автомобилі таныстырылды (фото)

Алматыда жаңа Ravon маркалы өзбек автомобилінің таныстырылымы өтті. Ravon бұрынғы Uz-Daewoo маркасын алмастырды деп жазады centralasian.org.

Онымен бір уақытта Қазақстан автонарығына жаңа Nexia R3 шығарылды. Nexia R3 – екінші буындағы (Т250) Chevrolet Aveo автокөлігінің жетілдірілген түрі.

Тұсаукесері өткізілгенімен, жаңа «Нексияның» бағасы белгіленген жоқ, ал көліктер енді ғана жеткізіледі.

Жаңа «Нексиядан» бөлек, «Равонның» жергілікті нарыққа таныс тағы екі моделі бар – седан Gentra және хэтчбек R2 (Chevrolet Spark). Бұған дейін Қазақстанда сатылып келген Spark өзбек зауытынан шығарылатын, бірақ өткен жылы ол, Cobalt-пен бірге саудадан алып тасталынды.

Uz-Daewoo желісі ребрендинг жасай бастады. Алматыдағы екі таныстырылым бөлмесі басқаша безендірілген, бірақ бұрынғы көк түс қалған.

Ал әзірге өзгеріске ұшырап үлгермеген салондардан Daewoo (ескі Nexia, Gentra және Matiz) логотипі бар автомобиль таппайсыз. Дистрибьютор мәліметі бойынша, олар саудадан шығарылған.