KAZAKBOL.COM
БҰҰ Бас хатшысы Антониу Гутерриш «Талибан» содырлары елден шетел әскері шығарылғаннан кейін Ауғанстанның бұрынғы үкіметінің жүзден астам өкілін өлтірді деп хабарлады.
БҰҰ бас хатшысының баяндамасын жариялаған Reuters агенттігі таратқан мәліметке қарағанда, тәліптердің құрбандары бұрынғы шенеуніктер, күш құрылымының бұрынғы өкілдері, НАТО күштерімен жұмыс істеген қарапайым ауғандықтар болған. Сонымен бірге «Ислам мемлекеті» террористік ұйымының мүшелері де тәліптер тарапынан өлтірілген.
«Бұрынғы үкімет мүшелерінің өкілдеріне рақымшылық жариялағанына қарамастан, халықаралық қарулы күштер құрылымында жұмыс істеген адамдар күшпен ұрлап әкетіліп, өлтірілген», — делінген құжатта.
БҰҰ 2021 жылдың 15 тамызынан бері адам өлімі жайында жүзден астам ақпарат алған. Олардың үштен екісі сотсыз өлім жазасына кесілген. 50-ден астамы ИМ мүшесі деген күдікпен өлтірілген.
Похожие статьи
Антониу Гутерриш тәліптер билікке келгелі Ауғанстанда гуманитарлық дағдарыс орын алғанын атап өтіп, халықаралық қауымдастықты ауған халқына көмектесуге шақырды.
Екі апта бұрын Гутерриш Ауғанстанда қайғылы жағдай күрделеніп бара жатқанын айтып, 2022 жылға Ауғанстанға гуманитарлық көмек көрсету үшін кемінде бес млрд доллар қажет деген.
Ол бүгінде халық қалған балаларын асырау үшін бөбектерін сатып жатқанын, үйін жылытатын отын таппай отырғанын мәлімдеген.
Былтыр 15 тамызда «Талибан» қозғалысы Ауғанстан астанасын басып алды. Ел президенті Ашраф Ғани Біріккен Араб Әмірлігіне қашып кетті. «Талибан» билігін бірде бір мемлекет мойындамады.
KAZAKBOL.COM
