Балконнан қоқыс лақтырған шымкенттік ана желіде жұлдыз болды (ВИДЕО)

Қоқысты балконнан жерге тастау оқиғасы «Нұрсәт» мөлтекауданында орын алған. Егде жастағы ананың қоқысты алаңсыз жерге тастап жатқан сәтінің видеосы қарсы беттегі үйлердің бірінде түсірілгенін байқауға болады.

Видео авторлары қоқыс тастаған азаматшаға таң қалып, оның әрекетін ұятқа балаған. Желіде тарап кеткен көрініс көпшіліктің пікірін екіге бөлді. Бірі ашуға булығып, әйел азаматына айыппұл салу керектігін айтса, келесі бірі егде жастағы ананы жақтап, оған аяушылық таныту керектігін жеткізген.

Ал кейбірі сол көріністі түсіріп тұрғандарды жазалау керектігін ескерткен. «Төбеден түсіру қиын болған ғой, жерге тастап, жинап алып қоқысқа тастайды.

Видеоға «крысалар» ұқсап түсіре бермеңдерші, өтініш», «Ең бірінші өзінің шешесімен немесе әжесімен жасты адамды тасада тығылып түсіріп тұрған «жанашырсымақтарға» айтарым, ертең өздерің де қартайып, сол кезде ауыр зат тұрмақ, қоқыс төгуге жарамай қалғанда осы істегендерің естеріңе түссін деп тілеймін» деп жазды ашуға булыққан қолданушылар.