Бірден үш қалыңдыққа үйленген астаналық жігіт жұртты таңғалдырды (фото, видео)

Той. Фото Дидар Аймұханның желі парақшасынан алынды

Астанада бір күнде үш қалыңдыққа үйленген жігіттің тойынан видео жария болды деп хабарлайды NUR.KZ порталы.
«Астанада жұмыстан қайтып бара жатыр едім, осындай бір қызыққа тап болдым. Бір еркек бірден үш әйел алып, осындай той болып жатыр. Мұндайды бірінші рет көріп тұрмын, бірақ шынымен той секілді. Бір емес, төрт жас бақытты болсын деп тілейік. Мен аң-таңмын», — дейді видео авторы.

«Өтірік қой, қойылым қоюға басқа тақырып таппай қалдыңдар ма?», — деп кей желі қолданушылары сенбестік білдіріп еді, өзгелер бұл жайттың шын болғанын алға тартып, тіпті тойдың асабасы да ерекше үйлену тойының болғанын растап үлгерді.

«Мынау халық сенбей жатыр кеше сен жүргіздің ғой тойды, бір ауыз сөз айтсаңшы», — деп асабаға сауал тастады желі қолданушыларының бірі.

Сол арада асабаның парақшасында тойдың фотосы пайда болды.

«Бірден 3 әйел алған жігіттің тойын 22 жасымда жүргізген қалай кетті», — деп жазған Дидар Аймұхан есімді асаба өз парақшасында.

«1 жігіт 3 əйел алды, эксклюзив тойды досым Дидар Аймұхан өткізді, не дейміз, 4 жас бақытты болсын«, — деп жазған Әлібекова Шолпан есімді өзге желі қолданушысы.

Бұл тойдың расымен болған-болмағаны әзірге белгісіз. Пікір қалдырушылардың дені той жарнама жасау мақсатында әдейі ұйымдастырылған деген ойда.