Бішкектің вице-мэрі сұрауға алынды

Бішкектің вице-мэрі Нұрдан Орынтаев Ұлттық қауіпсіздік комитеті тарапынан сұрауға алынды. Осылай деп Азаттықтың дереккөзі хабарлады.

Ондағы мәлімет бойынша, Бішкекте таяуда сүрілген «Батуми» кафесінің иесі оған қарсы арыз жазған.

24 мамырда Бішкек әкімдігі «Батуми» кафесін сүрген. Кафе қожайыны мұның заңсыз екенін айтып, сүруді тоқтатуды сұраған. Алайда қала әкімінің орынбасары ғимараттың заңсыз салынғаны, оны сүру жөніндегі шешім 17 мамырда қабылданғанын мәлімдеген.

Бұл оқиға қырғыз қоғамында үлкен шу туғызған. Кафе иесінің адвокаты Кайсын Абакиров оқиға орнына Ұлттық қауіпсіздік комитетінің төрағасы Камчыбек Ташиевтің өзі келгенін мәлімдеген.

Источник