Душанбе әкімдігі бас жоспадың «құпия» екенін алға тартып, сүрілетін ғимараттар тізімін жасырып келеді (видео)

Душанбе әкімдігінің өкілі қаланың бас жоспары «құпия» екенін айтып, болашақта сүрілуі мүмкін делінген тарихи ғимараттар жайында айтудан бас тартты.

Осыған дейін БАҚ соңғы жылдары Душанбеде құрылыстар көбейіп, тарихи ғимараттар, архитектуралық ескерткіштер сүріліп жатқанын айтып келген.

Саяси сарапшы Парвиз Мулложанов өмір бойы тұрып келе жатқан Душанбедегі үйі жазда сүрілетіні жайында ескерту алғанын айтады. Оның айтуынша, өткен ғасырдың 80-жылдары салынып, сіңірген еңбегі үшін әкесіне (белгілі драматург) берілген үйдің бұзылатыны жайында хабар ол үшін күтпеген жағдай болған.

«Екі жыл бұрын қаланың бас жоспарын сұрадық. Бірақ бізге біздің үй сүрілмейді деп уәде еткен. Сондықтан біз бейқам жүріп, үйді жөндеуден өткізген едік», — дейді ол.

Душанбеде құрылыстар қазіргі президенттің ұлы Рустам Эмомали әкім болғаннан кейін көбейген.

Бас қаланың әкімдігі барлық инфрақұрылым қауіпсіздік мақсатында құпия сақталып отырғанын айтып, бас жоспармен танысқысы келетіндердің тілегін қанағаттандырмай келеді.

Источник